புறநானூறு - 47. புலவரைக் காத்த புலவர்!

புறநானூறு - 47. புலவரைக் காத்த புலவர்!

பாடியவர்: கோவூர் கிழார்.

பாடப்பட்டோன்: காரியாற்றுத் துஞ்சிய நெடுங்கிள்ளி.

திணை: வஞ்சி. 

துறை; துணை வஞ்சி.

குறிப்பு: சோழன் நலங்கிள்ளியிடமிருந்து உறையூர் புகுந்த இளந்தத்தன் என்னும் புலவனை, ஒற்று வந்தான் என்று கொல்லப் புகுந்தவிடத்துப், பாடி உய்யக் கொண்ட செய்யுள் இது. 

வள்ளியோர்ப் படர்ந்து, புள்ளின் போகி,

நெடிய என்னாது சுரம்பல கடந்து,

வடியா நாவின் வல்லாங்குப் பாடிப்,

பெற்றது மகழ்ந்தும், சுற்றம் அருத்தி,

ஓம்பாது உண்டு, கூம்பாது வீசி,

வரிசைக்கு வருந்தும்இப் பரிசில் வாழ்க்கை

பிறர்க்குத் தீதறிந் தன்றோ? இன்றே; திறம்பட

நண்ணார் நாண, அண்ணாந்து ஏகி,

ஆங்குஇனிது ஒழுகின் அல்லது, ஓங்கு புகழ்

மண்ணாள் செல்வம் எய்திய

நும்மோர் அன்ன செம்மலும் உடைத்தே.

பொருளுரை:

வரையாது கொடுக்கும் வள்ளல்களை நினைத்து, 

நெடிய வழி என்று எண்ணாமல், பாலைவழிகள் பலவற்றைக் கடந்து, 

பறவைகள் போல் சென்று, தமது தெளிவில்லாத நாவால் தம்மால் இயன்றதைப் பாடிப் பெற்ற பரிசிலைக் கண்டு மகிழ்ந்து, 

பிற்காலத்துக்கு வேண்டும் என்று எண்ணி, அவற்றைப் பாதுகவாமல் உண்டு, 

பிறர்க்கும் குறையாது கொடுத்துத் தம்மை ஆதரிப்பவர்கள் தமக்குச் செய்யும் சிறப்புக்காக வருந்துவதுதான் பரிசிலர் வாழ்க்கை. 

இத்தகைய வாழ்க்கை வாழ்பவர்கள் பிறர்க்குத் தீமை செய்வதை அறிவார்களோ? அவர்கள் பிறர்க்குத் தீமை செய்யமாட்டர்கள். 

புலவர்கள், கல்வி கேள்விகளால் தம்மோடு மாறுபட்டவர்களைத் தம் புலமையால் நாணுமாறு செய்து அவர்களை வெற்றிகொண்டு தலை நிமிர்ந்து நடப்பவர்கள். 

அது மட்டுமல்லாமல், அவர்கள் உயர்ந்த புகழும் உலகாளும் செல்வமும் பெற்ற உன்னைப் போன்றவர்களைப்போல் பெருமிதம் உடையவர்கள்.  

Description:( A Song About Sozhan Nedungkilli)

The poets will reach the patrons after traveling several long ways as the birds go in search of fruit trees. 

They sing so that their tongues suffer and get gift for that. 

They do not think to save it for themselves. 

They feel happy in living by giving Will they think evil to others? Certainly they won't think evil. 

They feel proud on defeating scholars in debates.. Longing for the gifts is their life. 

They have high fame and plenty of wealth like you. 

You know that they have the efficiency to defeat many scholars and to become the leaders. 

-Kovoorkkizhaar

முலம்:

http://puram1to69.blogspot.in/2011/03/47.html

http://thamizhanna.blogspot.in/2010/07/purananooru-46-to-50-english.html